DIMAPUR TAWHLET
(An Independent weekly Newspaper in Zomi)
-------------------------------------------------------------------------------------------------------
VOLUME NO.X NO:15 DIMAPUR TAWHLET- Tangsihkha 15-Tangsihkha 21,2010 (July 26-Aug. 01,2010 )Page-01
-------------------------------------------------------------------------------------------------------------------------------
THUTHANG TUAMTUAM
* Natna ziak a kha 6 sung ding phial mahmah Damdoi a va ki enkolsak Nu.Niangngaihching, Thahekhu, apa uh tawh dt.24.07.2010 in Dimapur dam in hong tung kiik ta*
*Nu.Moii Thahekhu zong dt.24.07.2010 in Imphal apan Dimapur hong tung*
*Emmau Choir in August 15 ni a Special number atan ziak in huai a La ding sinna July 31,2010 (Kiginni) Nitaklam Dak 3.00 PM in Pa.Lianzagin Inn, Thahekhu ah om ding a, Emmau Area a Tuailai/Tleirawl, Nupi & Papi te tel diam diam ding in Choir Leader Pa Kaizadal in hiai i News tungtawn in chialna nei hi*
*Tg.Siampu leh Pa SumJohn July 26 in Lamka apan Dimapur hong tung uh*
*Pa.Lianzagin, Nu.Gounu leh anau te uh Diphu lam a hun sawt kuam tak ava zat nung un dt.26.07.10 in Dimapur hong tung kiikta uh chih thu kiza*
*Ni 3 vel om ding in Nu.Jamzaching of Thahekhu in Arunachal apan July 28,2010 in Inn hong pha hi*
*July 29,2010 zan dak 12.30(AM) in Singngat EBC BiakInn khang a Baang kichiang Chim; anuai a T.Zarual inn miluah phusia, Van tampi leng sia chih thu kiza*
EBCC AUG.01,2010 PROGAM
1030-1145hrs: Sunday School
Teacher: Pastor V Khamvum
Subject: Daniel 11:36-45
Key Verse: 11:45
-------------
1200-1400 hrs : WORSHIP
Conductor:T.Ginvanglian
Scripture reading & Prayer:
Mrs.Chingzanem
Praise & Worship: Led by BYF
Offeretory Prayer:
Pastor V Khamvum
Announcement if any…
Mass Prayer: Led by Mr.Vunglam
Message:
Local-Elder,T.Khamsuan
Closing: Speaker.
----------------------------------------------------------------------------------------------------------------
PA.T.KHAMSUAN & INNKUAN KHAKNA
Ani: 01.08.2010, NIPINI.
Ahun: Biakna kikhop zawh apan
1.Hunkem: L.Ginzalal
2.Phatna La: A tawp pha’n Pathian in hon kem ding hi.. Bk.La NO.241
3.Thumna: Nu.Ningzaching
4.Itna Thilpiak:
Upa.V.Thawngzalian,
Chairman, Local Committee.
5.Thugenna & Thumsakna:
Pastor V Khamvum.
6.Itna Thilpiak: S.Nengzapau,
Vice-Chairman, Building Comtt.
7.Khak a om te a pan thugenna:
8.Phatna La: Hon pii na peuh a ka zui ding Bk.La NO.64
9.Gennop/saknop/hih nop nei kua peuh a dia sau lou lou hun honna.
10.Phatna La: I ki muh ikituah khawm nawn ma’n Bk.La NO.335.
11.Hunkhak : Upa.V.Thawngzalian.
REFRESHMENT A OM DING
------------------------------------------------------------------------------------------------------------------
ZOMI WELFARE ASSOCIATION
DIMAPUR NAGALAND
THEIHSAKNA
Zomi Welfare Association Dimapur a member kuapeuh hiai i News tungtawn in ikizasak hi. Ahong tung ding July 31, Kiginni zingkal Dak 6.30(AM) in hon pemsan ta ding i President Pu.T.Khamsuan leh a Innkuante ‘Khakna’ (Farewell) amah Inn, Genesis Lane, Dimapur ah Pawlpi in neih i sawm hi. Tua mun a tel chiat ding in ikichial in iki zasak hi. Chialna/sapna dang atuam a zalou/theilou a i om leh leng hiai i News a iki chialna pen chialna in i pom chiat ding hi.
“ I MI I NAM
Naseppih uh,
(L.GINZALAL)
GENERAL SECRETARY
DDADU IN THEISAK
Dmr.July 29: Dimapur District Autorickshaw Drivers Union (DDADU) in Auto sung a Van manghilh khak theih ahihman in; mipi te kuapeuh Auto khat peuh a tuan chiang a tuanna Auto No. & tuan ni & hun chiamteh zel di’n theihsakna bawl; Tua ban ah Auto hektu peuhmah in a passenger te akum khiat chiang a/ua Gari sung check zel a van nutsiat khak a om leh Union Head Office a submit zel ding in zong thei sak hi. Driver kua hiam hiai Dan zuilou theih ahih leh atung a action lak hi ding chi.
SINSAKTU LEM (Bogus)LAKNA
Dmr.July 29: Theihsakna bawl masak loupi a SSA department nuai a Sinsaktu(Teacher) laak ahih thu ah lungkimlou in Nsong Area Frontal Organisation (NAFO) te’n thuneitute kiang ah tua Sinsaktu Lakna kibawl August 3 tan a phiat ngei ding in thu pia uhi. Tua bang a phiat ahih kei leh NAFO kiphin ding uh hi in President D.M.Atong in gen hi. Peren District a Deputy Inspector of Schools teng kiang ah ngeina danlou pi a lakthak a om Teacher te nna semsak lou ding in zong theisak uhi.A area mi theihlouh a hiai bang sep zanuamlou chi uhi.
HUMAN RIGHTS OMLOUHNA
Dmr,July 29: Central Govt. in ngetna/theihsakna bawl zel mah leh State Human Rights Commission bawlsuah tuan lou India
CSDD IN LEM SALOU
Dmr.July 29: ‘Naga Council Dimapur’ in khua pua apan a van tuamtuam hong kipua luut te tung ah Siah(Tax) alak ding phalsakna, ‘ADC Order July 13’ mipite khualna a akinthei pen a phiat ding ahi, chi’n CSDD President T.Hetoyi Yeptho in gen hi. Tua bang a NGO khat Siah lak theihna phalna piak akipat leh NGO dangte zong Siah la nuam in hong kipan pah ding, chi.
KRA IN NIAL
Dmr.July 28: Kum 2008 apan in Dimapur ah Kuki Liberation Army (KLA)kichi om nawn lou a; mimal,pawl ahihkeileh department khat peuh kiang a Demand Note ( Ngetna lai) pia, chih thil omthei hilou chi’n KRA information & Publicity Secretary T.Simte in gen a; kua hiam KRA min zang a tuabang a gamtang a om kha omleh akibawl tawm hi ua; tuabang mi a om kha a om leh atawp ding uh, tawplou a-om ua leh agamtatna bang dung zui ua action lak hi ding chi’n leng genbeh hi.
Editor laikung pan
KITHEIH SIAM
Tu khang hun i et chiang in ngaihdan,pomdan, paidan kitheisiamtuah a ki zahsak tuahna pansan a muanna tawh leitung hinkhua mihing te’n zat khawm ding chih Khawvel Thupi ahi ta hi.
Tua kithuaksiam tuahna ichih leitung a thudik teng teng, gindan teng leh ngaihdan ahihna chiat ua dikvek uh ahi, chihna ahi..Huchi ahihleh bel nang gintak leh kei gintak akibang leh akikim ahi chihna, adiak khol in Sahkhua/Sabiak toh kisai ahong hih chiang in. India Govt. bang in sahkhua teng teng akibang a khentuam nei lou a zalen sak hi.
Mipil a thukhual kisate bang in mimal chih in atangtawn hun ding toh kisai amah mawh kipuak chiat ahi chi uhi. Mimal chih ama mailam hun ding thu tawh kisai a deih bang bang ateel ding a, tua ateelna mun mun a zuat lel ding chih ahi. Hiai ngaihdan nang na pomsiam hia? Sah khua teng teng akibang mah hia le? Khrist gingtu na hih kawm kawm in sahkhua dang zui kua hiam in ama sahkhua thu hoihtak a hon genpih chiang in “hi zel mah ve aw” peuh na chi thei hia?
Mihingte ading in sahkhua tuam tuam te’n amau sabiak adik dan gen thei chiat ua, lungbuai huai leh lung-ap huai hi lou hia? Ahih leh Khrist gingta a anung zuitu na hih chiang in Jesu’n bang achi a le?“ Kei mah Lampi, Thutak leh Hinna ka hi. Kei tawn lou in kua mah Pa kiang a tung thei kei” (Johan 14:6) Sabiak dangte leng adik om thou ahi, na chi tei tei lai hia???
Pathian Thu, kammal na gintak leh bel Vaangam tunna ding lampi khat kia a om a huai tuh ‘Jesu Khrist’ ahi. Leitung pilna leh siamna a thu kigen te leh Pathian Thu; akoi zaw pen in nang hon zou zaw a?
Gingtu diktak hi in la, Pathian Thutak ah dingkip inla ‘Vaangam lampi diktak Jesu Khrist ahi’ chi in gen in. Tua mah ahi, Pathian hing tapa Jesu Khris in nang ahon sawl na
Sabiak dangte hoihna khawng na gen kuun kuun theih mawk aleh zaw, na sunga teng Khrist Kha siangthou nak khasiat mahmah kha ding ahi, sanggam!!! Niteng, hunteng i nuntakdan in Pathian
a pahtawi ding ahi.
Simtu.. Toupa,n hon ompih hen…
MANIPUR MINISTER TE LAWH
Imphal, July 28: Manipur Minister leh MLA te khalawh allowance te tellou khansak na ding:
Hihna | Tulel | Lawhdi |
Chief Minister | 6000 | 23000 |
C.Ministers | 5000 | 22000 |
S.Ministers | 4800 | 21000 |
M.L.A | 4750 | 18500 |
Kathmandu,Jul 28(IANS): Nepal tumlam, Myagadha dist.Aulo khua a Innluah thawh a Biakna nei zel Pastor Akka Bahadur etkolna nuai a om Saptuam (Protestant) te member 50 ding khawng kikhopna neilai apaita June 5,2010 in Hindu sahkhua zui volunteer dozen 2 zet in va sual ek uhi. India Sepaih a pension,Sher Bahadur Pun (68) a nakguh 2 suktan sak uhi. April kha in Aulo khua mi te’n thuneihna-pathian-numei achih uh 2 lem(Idol) bawl khiak ana sawm uh Pun leh saptuam te’n na kumlou uhi. Khristian sabiak tawpsan a hiai pathian-numei te lem(statue) be di’n sawl ua, amau nial uhi. Pastorpa leh a Pa a khawpi lian deuh khat uh,Beni achihna uah gaaltaai uhi.Akhua uh kiik thei mah le uh BiakInn kikhak den.Hiai thil Kapilavastu dist. Chanauta khua a gingtu 5 sawisak azopna uh ahi.
GAMNUAIMI TE GAMTATNA
Dmr,July 28: Kum 2008 apan Kum 2010 a India
State | Buaina om zah & kum | ||
2008 | 2009 | 2010 | |
236 | 263 | 121 | |
Meghalaya | 6 | 4 | 11 |
Tripura | 44 | 13 | 17 |
Arunachal Pradesh | 16 | 25 | 14 |
Nagaland | 171 | 87 | 19 |
Mizoram | 1 | --- | --- |
Manipur | 324 | 362 | 183 |
State | Sepaih si zah | ||
2008 | 2009 | 2010 | |
8 | 20 | 2 | |
Meghalaya | 1 | --- | --- |
Tripura | --- | --- | --- |
Arunachal Pradesh | --- | --- | --- |
Nagaland | 3 | --- | --- |
Mizoram | --- | --- | --- |
Manipur | 9 | 7 | 2 |
State | Minautang si zah | ||
2008 | 2009 | 2010 | |
108 | 99 | 23 | |
Meghalaya | --- | --- | 1 |
Tripura | 4 | --- | 2 |
Arunachal Pradesh | 3 | 1 | --- |
Nagaland | 41 | 10 | --- |
Mizoram | --- | --- | --- |
Manipur | 87 | 51 | 16 |
-------------------------------------------------------------------------------------------------------------------
OMNUAM LEH SIMNUAM
----------------------------------------------------------------------------------------------------------
Editor in Chief: L.Ginzalal. Joint Editor : G.Thangchinkhup.
Circulation manager: T.Dongpu. Contributing Editor: H.Ginzalam.
-------------------------------------------------------------------------------------------------------------
