THUTHANG A TUAM TUAM

PATKAI CHRISTIAN COLLEGE

PAITE STUDENTS UNION

“FRESHERS MEET 2010”

Dimapur, August 07,2010 (Kiginni) in Paite Students Union, Patkai Christian College in sinlai naupang tua college a va kaithak te Annkuang lui in  kipahpihna kikhopna hun zatna nei. Kum 2010 a PSU member thak (Fresher) mi 7 pha a, ana omsate tawh avek un mi 20 pha uhi.

 Hiai Freshers Social Meet,  Mrs.Vungii Guite, Assistant General Manager, NABARD, Dimapur in khuallian hihna tawh va uap hi. Khuallian in a thu genna ah naupangte pahtak huai leh ngaihnat

huai sa ahihdan leh adeihsak thu te gen in Jinpaak  piakna zong nei hi.

 Evangelical Baptist Convention Church, Dimapur apan: Pastor V Khamvum, Local Secretary L.Ginzalal, Finance Secretary G.Thangchinkhup, Local Committee Member H.Ginzalam, BDFC Secretary Lawmzakim leh BDFC member Nu.Chingzanem, BYF Chairman T.Luaizakhum, ban ah Andy, Thangsang, Lialian, Suanmang leh Rosy te’n va uap uhi.

                     Hunkemtu in Tg. Lialian pang a, Recording Secretary in Lia.Tete pang hi. Hun patna ding in ‘Sinin, Semin,Junin’ chih la kisa ziah ziah a huai zawh in Tg.K.K.Mung in hun honna thumna hon nei hi. Sister Dimple in  khuallian leh Dimapur apan va uaptute tung ah kipahthu gen in vaidawnna nei. Entertainment hun nuamtak mai leng om a mipi kinui zua zua.Sinlainaupang ana omsa te’n a thakte thilpiak tawh Vaidawnna nei ua; Freshers te’n lungkhoih huai tak in “Vabang pil hunta…” chih la special number in nei ua mipite bil tai mah mah uhi.

 Pastor V Khamvum in thumsakna nei. Student te kuhkaltak a pang a laisim ding a hasawtna leh om dan hoih dia hansuahna thugenna tomkim: Pa.L.Ginzalal, Pa.Ginzalam,  Pa.G.Thangchinkhup, Pa.T.Luaizakhum te’n nei uhi. 

                        PSU in Chief-guest leh saptuam heutu va uap kha teng teng itna/kipahna thilpiak pia chiat ua … amaute kipak thei mah mah uhi.

PSU General Secretary in kipah thugenna hun zang a, huai zawh in Pastor V Khamvum in Annkuang latna thumna nei in huchi in Freshers Meet programme zawh in om hi.  

Voksa leh Aksa meh a; limtak a itna ankuang umkhawm in, ‘Freshers Meet nawn chiang in aw’ chi’n student te leh mipi kikhen zak ta hi.