Zozang,Zogam,Zomi & Leitungbup W.C pan W.L |
Tulmawh sinthu † Absalom in Ahithofel (gui-awkpa’) thu hilh na mittaw sialkhaulet in lampial hi. Amah zong tawsaw hiang kabom ah gui-awk pah lianhi. (2Sam 16:21-22;Pai 20:14,17;2Sam 17:28;18:9;Maat 19:18,19) A hoihlo thu ‘Sakhuai bang in gual hanthawn kei ni’. ‘Thallam cilsiat ei tung tukik hi.’ Zingzin Phualva(ZPv.) Bangalore |
KUMPITOKHOM LE PULPI___MAIKAI
SiksanL (1Kum 1:5-53 &Matt 25:31-46)
Leitung ah Kumpi Tokhom a sang pen hia,tutmun,ciangkhut vik en in gammite kihei hi.Pu le Pate in tutsa in thukikum uh a,a lung kimloh ciang un ding khaliang uha, “lah nongding liang a le!” ci uh hi ( Democracy Policy).
Pulpit ah tutphah ki koih lo a, dinsa in thu kigen a hih man in ,Makaite deihbang hilo ,Pasian’deih bang le Pasian deih bang ahilo thu,nial in ,thuman hangsan tak le suakta tak a gen ding cihna ahi hi.___ Ciang khut le kawng tem koihkhia in ,Chirs Policy/Democracy tawh thuman suakta tak a gen ziahziah na ding mun cihna ahi hi. “Zawng in a ma kheng mulo in a lawmte kheng ko” bat ding a hikei leuleu hi. “A gahlo sing kideng kei” na hoih I sep leh ze-etna bel laukei in la,hoi in puklawh kei in.A gingkhem peuh Zusa hilo in,Ui ham sim in lunghi mawh leng zan ihmut hun a om kei ding hi.Vantung le Mei ,Nasep hoihna mun ah thuhelhot .Tunglam en in mainawt in.Thungen in.Topa muang in.Lungduai in.Kiniam khiat in.Tuipi luang in lungkua tai.Itna le thuman tawh kalsuan tawntung in .Chris Policy in Leitung gam bup lazo hi.Napolyan in a sih kuan ciang in, “kei gam khutpek cia zong phanawn lo” a ci ve.!
A ma pumpi le a inn sung a ukzolo mi in makai utse kei hen.Mipi buaina a vengsak zokei ding hi.Cing Ngia bang in hong Akgual khen zaw ding hi.Sum a deih luate in zong semkei hen .Sum in a mit tawsa k in Saipi mitaw gamsung nawk bang ding a,lau huai pen kha ding hi. Hih pen i phun niloh thei khazel hi.Daidide in om a,Gunkuang tuiluanzil a pai i bang ding hi. Min le Za a deih baih luate zong a poipen hi.Hih bang te makai in I zat leh Tui le Nga a bang mipite,Ngen tawh Ngasamat bang in tualsung mite hong huai ding uh a,Ngakhuk tuamtuam a Ngasa khoi hong bang sak lel ding uh hi.I lungsim Luika bang in hawkguam tuiluan hong bang sak ding uh hi. Hih bang thu ah thuman gen leng a lang pang tamzaw a hih man in makaite thu a zuizote mipil hi phot hi.Amau a tuanna Tuipi Gunkuang a hihlam thei hi ven maw…!
Kumpi Tokhom ah tu in ciangkhut vik bang le kawng tem dawh bang in pulpit ah thu I neuh khak leh Faro by Law (Devide and Rule Policy) tawh Min le Za deih man in Ui le Kei I bang niloh ding hi.Ki Uitui ding pen tua bang Policy luanzia a hi kei hi.Thu man kitheih mawh bawl in mipi lungkimsak na ding leh Zuha tawh naungekkhim bang in I khim zawh theihtheih na ding han ciam pipen ding ahi hi.Tua hi leh Tokhom/Panmun hong omthei ding a Faro by Law Graduate I hi pah miau hi.Tua By Law a zangsiamte i hi pan hi.A nung thu ding bel khumlo ding hi bek a, makaih i sep sung in ahih le bel Min le Za i neikha mah ding hi.
Makai picingte’ nasep in a guh keuh tawh kituak in a na sep hiohte hongkidawk kik pan san in,Mipi in itna khang tektek in a kisiatheilo,amang ngeilo Mualsung (Memory of Stone)thu laigil (Lai in a sintak thupil),Lamlak Aksi pite(Lamzikpilui) hi zaw phing sampan mawk hi.
Pu le pate in thupai zia tel taktak uh a hih man in Tulpi tawi ding kituh in buailo uha, a tawilo ding kimlai in tawi leh “kipelh theih hileh maw”ci-in khuisa pimah in tawi pan ta-ngail uh hi. “Simbeng zong kim citciat tang zang ki guan” ci uh hi.
Chris in, “ ka nungnongzuizo kei ding uh hi”, ci-in Nupinu in, “kongzuizo mah ding uh” ci muaimuai hi.Chris in a thupaizia telkhin a , a thugen mangthang lo hi.Nupi nu in telcian taktak kimlo ahih man in ailop a,kampau pal hi. “Aw….” Cih olsa mahmah hi.(Mat 20:20-28).Makai ding I ailop niloh pen tua Nupinu’ lam-etna bang I neihman hita zen lawmlawm ding a maw.!!!
Leitung ah mipi /nautang i hih a nuam pen hi a,makai a hih leh haksa pen dinmuh hi.Tua hi a, Kumpi/Hausa,Makai ding le Siampi ding mikim Pasian in muanglo ahih man in,makai khua(9) in nautang khat(1) neisaklo in,Makai khat in Nautang kua a neisakhizaw ding hi.Maikai ut in Bakvat a bangte koihkhin lo in,a koihnopte bang dinmun ah omta leh hahsawl mahmah vetse hi(Pai 4:10-17).
Pasian in makai ding in a sehsa mikhat peuh bang mah in a khaktan zokei hi(Pai 2:3,10,11).Mipi deih gawp thutawh makai a sem Saul tangthu I thei hi.Pasian in makai in a koih kisikkik hi.Eitawi loh ding Tul i tawikhak leh Saul I bang ding a,Pasian’ hong sehsa a hih gige nak leh David bang in I mapai ding hi. The Holy Bible (1Kings ) sung ah kinak tel mahmah hi.
Thupai zia a tel taktak te tultawi ding lawp peuhmah lo in,a telcian mello teng kek Uimei kang bang in lawp hi.I neulai in mei-am lawngnuam in I kap ta-ngial thei a,I gil ciang in hong kisawl leh nang lawng masa phot in I ci ding hi.
“A little knowledge is a dangerous thing” |
Lawital in gamnei a,lawital nih in uklo in Khat in uk hi.Sahang zong mualdung ah nihtengkhawm theilo hi. “Pilna kikim,Lubawk nuam ciat” “Kauphe tungnun kituh vanlaizang pan a khakham in kia”. Lawital le Sahang bang in lungsim I neihleh : “Tapkha cia a pha Zogam,Namneu lungsim a paikhia theinai ngiatlo khangthak eite zingtampisuak in ,Khutkuak cia gamkhen sung ah Belsung tangho tun bang in a hi a,khutkuak sung a khutlam bang in I ki khen zeizai dingmah ahi hi.Leitung khuata(Global Village) sung ah ZOMIte,“Khipi gui-awh khitang khautat I bang lai hi.” Khutmalnga neinapi in a zawcip bang in ,Pumkhat suaktheilo in khutkhat tawi khekhat khai I bat theihloh pen thu dang a hi peuhmah kei hi.Democracy lungsim a hi:Thuman tawh kalsuan in a manlo thu thalnial ding ahi hi.A thu tung tawn in kalsuan ding hibek hi.Mihing kimuhdah ding hi zenzen lo hi.Ei Zomiten a diak intua pen I khencian thei nai kei hi.Zum ah thukinei minih pen kisih muhdah hi hang.Namneulungsim aive!Nampilungsim in:A lungkimlohna uh kikawk ,kithalnial dikdek in a tawpna ah a man zaw in zo a akhial zaw aimitdeh bang hi.Lungsim kigimneih lo in kimaitai kik uh a, thunung thuma om nawn lo hi.Nampi lungsim I neih lah man in Mite’ gam na leng ah Zomite tualsung mite sang in I gilo nuam phial zaw liang lai hi.Ei gam ah mi hong zin hi leh hongki thuak zolo ding hi.Nampi lungsim I neihthei nailoh man in Democracy zia bang in i luansiam nai kei hi. “Namtom hauh le Tuita khan” “Tuipi luang in luangkua tai” .
By
Zingzin Phualva
Bangalore
No comments:
Post a Comment