DIMAPUR TAWHLET
(An Independent weekly Newspaper in Zomi)
----------------------------------------------------------------------------------------
VOLUME NO.X NO:30 DIMAPUR TAWHLET Noukha 27-Vulkha 02 ,2010 (Nov 08- Nov 14,2010 )Page-01
----------------------------------------------------------------------------------------------------------
THUTHANG TUAMTUAM
*Pastor.V.Khamvum leh Nu Chingzanem 12.11.2010 a Dimapur hong tung kiik dia lam et hi un kigen*
*Nov.8,2010 in Pi Rosiem pasal mualliam*
*Dimapur EBCC Pastor Quarter Ground Floor ki zou siang dek dek ta*
*Nov 13 Nitaklam Dak 1.00pm a Pa.T.Thuamzakap Inn, Lake View Colony a ZWA Meeting a tel chiat ding in Gen.Secy in hiai i thukizakna tung tawn in ngetna nei sawn sawn hi*
MANIPUR AH HOH DING
Imphal, NOV 12: UPA Chairperson Mrs.Sonia Gandhi in tuni a Manipur dakkal 4 sung vel aveh ding ziak in Imphal leh Churachandpur ah venbitna lam sang naktak a hih khauh in om hi. State Security Personnel 3000 val, CRPF Company 20 leh Village Defence Force 600 duty sak in om hi. Amah hawhna boycott te leh Gamnuaimi te’n hiai ni a thil hoihlou/buaina abawl ding uh venna in State sung pumpi ah zong Security hihkhauh in om hi. State Home department in Pi venbitna dia nasep dan toh kisai in Green Signal 3 ngah hi.
Chief Minister Ibobi Singh in Pi Sonia va phak na ding mun te amah taksa mahmah in va en khia hi. UNLF Heutulian pen RK Meghen Dhaka Khawpi a mat a om kichi a, India Govt. in atanchin bangmah agen hetlou lungkimlou in Civil Organisation 17 vel in Pi Sonia va hawhni Manipur General Strike phuang uhi.
Pi Sonia Gandhi zingkal dak 11.00am in Imphal tung ding a, huai apan in Churachandpur a Khuga Dam Honna nei ding in Lenna a paipih hi ding. Tua ban ah Imphal Khwairamband Bazar a Nupite vanzuakna dia kibawl Inn Sawngthum, Tribal Market leh Muslim Girls Hostel te honna zong nei ding hi.
MASTER OF COMMERCE (M.COM) ZOU
Dimapur,Nov.8: Nu-Chinghoih W/O T.Ginvanglian, Bank Colony, Dimapur in M.Com 63.17% Marks mu in zou khia. Hiai bang a lawhchinna thupi ahon ngah na tung ah DT News Editorial Board leh Zomi Welfare Association, Dimapur in kipahpihna sangpen THUPHUAN phuang ngal hi.
EBC GEN.SECY KIIKNAWNTA
Dimapur,Nov.9: Bible Society of India, Dimapur Auxiliary ‘SILVER JUBILEE’ lopna uap a Lamka apan hong kuan Rev.L. Khamkhawlun, Gen.Secy EBC leh Upa.T.Khaipu in tuni zingkal in Lamka lam zuan nawn ta uhi.Amaute Dimapur a om sung un EBCC Dimapur Upa Committee te’n ‘Annkuang lui in kithuahpihna nei uhi.’
IIN 40 KANGTUM
Dmr,NOV 11 (NPN): Dimapur Ward NO.2, Ghorapatti area ah Ningani in tenna Inn 40 mei in kangtum hi. Mit a mutute gendan in Meikang nitaklam dak 1:45 vel in kipan a, Bi-Inn (thatched house) te asung a vante 90% toh kangtum dimdem hi’n gen uhi. Fire Brigade ( Meiphelhte) in naktak a aphelh nung in Alluminium Factory kangphei manlou in phelhmit hi. Meiphelh Gari 10 in beipi asuahna uh tawh meikuang sukmit zawh in om. Kanglum/Kangliam gen ding bel omlou. Tu lel a member a om DMC Chairperson lui Khekaho Assumi, Veng hausapu leh vaihawm te’n meiphelhte tung ah kipah thu gen uhi.
NSCN(I-M) IN SABET KHAM
Dmr,Nov 11: NSCN(I-M) Chakhesang Area in tua gam sung a Sa kap/ Sa bet kham ahi chi in Regional Secretary J.Rohku in thusuah bawl. Huai toh kiton in tua area a VCC te’n sabeng/sakap a om khak ding enkai ding in zong thu pia hi. Sa bet leh Sa matna theih vanzat toh matkhiak khak a om leh action lak hi ding chih ahi.
NDFB TUALTHAHNA MISI
Guwahati,Nov.10 (IANS): Bodo helpawlte’n Hindi pau zang mite leh namtawm leh niam te a sual uh sunzom zel in tuni in numei 1 kaplum in adang 3 kapliam ua tu nai a a mithah uh 24 phata chi’n Police lam in gen uhi.Galvan hoihtak tak zang National Democratic Front of Bodoland (NDFB) te nilaini zingkal baihtak in Kokrajhar district a Lamugiri khua ah va lut in khawsung mite thau in pongpaw kap zial uhi.Kalwa chauhan kichi nupi khat kaplum khapah ua midang 3 kapliam kha uhi. Maiphaw thuah pasal 6 Motor Cycle a va tai in tua bang a thautang ava hawt ek khit un kiik nawn pah ving veng uhi. Seppatni apan tuchiang hiai bang thil 11vei piang ta. A si te ban ah mi 15 vel nasatak a kapliam khak in om ua Gauhati Medical College Hospital ICU a etkol lel in om uhi.NDFB in Bodo gamsung a om kuamapeuh amau kalh a gamtang kha hetlou ding in vau a agamtang khate bel mulkimna bei a action lak hi ding chi hi.
NAUPANG KUM 12 NUAI
Imphal,Nov.10: Naupang kum 12 nuailam te state dang a laisim dia sawl khiak Manipur Govt. in kham. September 1 Order, Supreme Court in Manipur leh Assam a thupiak zuihna in Manipur Social Welfare Department in kum 12 nuailam mi state dang a laisim dia sawlkhiak louh ding chi in Memorandum Nov 2 in suah hi. Kum tamlou paisa sung in Tamilnadu leh Karnataka state ah Assam leh Manipur a pan naupang te; ‘bawlsiatna leh adiak a numei te sukthang huaina apan’ hotkhiat ngai om zeuh zeuh te ziak ahi.Tuabang naupangte atangpi in Manipur a Tamenglong,Chandel, CCPur leh Ukhrul District te ban ah Assam a New Cacher Hills district te apan hi uhi. Tamilnadu leh Karnataka a naupang etkolna mun tuamtuam apan 200 khawng pikiik/hotkhiat in om hi.
Editorial….
NUNGZUI DI BAWLTU NA HIH NA ZIAK ?
“Tua bangin Pathian thu hong dalh a, Jerusalema nungzuite hong pung semsem pah uh a, siampite tampitak in thu-up a zuita uhi.” Nasepte 6:7
‘Pastor tampite amau leh amau akidotna thupi pen khat uh ahihleh, ‘Bang chi leh ka Saptuam member apung thei dia o..?’ chih ahi. Himahleh khenkhat te adia vangsiat huai tak in Nungzui/Gingtu sang in saptuam member apung masa zaw nak hi. Sinsaktu tampi te’n Pathian thutak-angum siangthou pen akiu khat ah koih phot in ‘ a awlsam thei thei anuam ding ding gen in mite saptuam a ding in zol masa uhi. Hiai ahihna san uh ahihleh mi tampi in athu uh ngaikhia henla huchi in saptuam ah huai luut le uh chih a tupna uh ahi.
Ahihhangin Saptuam bang chi khansak ding chih na thei hia? Nungzui ding na bawl, bang ziak a? Nungzui bawl pen apun a pun thoh (multiplication) dan in a pai hi a; agawm a gawmthoh (addition) dan in apai kei hi.
Gentehna toh genchet sawm ta le:- Mr A in saptuam a mi tampi huai lut a ut a; Mr.B nungzui/gingtu bawl a ut hi.Amautegel in kum 5 sung; khaguk sung a mi 1 bek lak lut leh nungzui dia bawlkhiak tum in nahon sem tuak uhi. Kum 5 hong bei hun in bel Mr.A member 10 tawh kisai a nasem asuak hi.
Ahihhangin Mr.B in nungzuitu/ Gingtu abawlkhiak te’n kha 6 teng in nungzui dang abawl sawn chiat ua; tua abawl peuh un zong nungzui dang mah ana bawlsawn ua, huchi’n kum 5 sung in Mr.B mi 1024 tunga nna sem asuak hi.
Saptuam khan na dia nasep tuh nungzui in nungzui ding abawl sawn touh zel na dan ah a kinga hi. Mi khat gingtu diktak ahong suah chiang in ginglou atheih phak te ana awlmawh sawn na ziak in gingtu/nungzui ding dang ana bawl sawn zel a; huai abawlsawn te bawlsawn te’n leng na bawlsawn zel ding uhi. Hiai bang dan ahih man in nang zong Gingtu gin-om, Pathian Thu phuangzaak sawn a, Khrist pumpi lamtou dia na bawlkhiak theih ding mi zong khia inla Khrist gingtu in bawl in, Unau!!!
EBCC DIMAPUR NOV.14
Sunday School Annual Examna.
Conductor:Pastor V Khamvum
MIPI BIAKKHAWMNA
(Dorkas makaih)1200-1400 Hrs
Biakna Pitu:Nu.Nemngaihsang
Hunpantu:Nu.Chiinngaihkim
Phatnala sakna:Mipi
Thilpiak lantu:Upa.T.Khamzagou
Thuphuanna: A om bang bang
Thumkhawmna pitu: Biaknapitu
Thugenna:Nu.Vungtulching.
Hunkhakna:Pastor v Khamvum.
NAUPANG KUM 3 SUAL
Dmr,Nov.12: Thu khawnung kiza dan in Nov.07,2010 sunnung dak 1pm leh dak 2 kikal vel in Bungmual CCpur ah numei naupang kum kum 2 leh kha 9 lel a upa pasal khat in sual a; a sualtupa bel matkhiak hi nailou dan in kigen.Sual a om numeinou bel khawngaih huaitak in Damdawi Inn ah etkol touh in om lel lel hi.
HUAI BAN AH Nov 8 ni in Lalhimpui kum 5, Muallungthu vill,Mizoram ah Myanmar
WHO SAYS?AND WHAT?
“Khristian pawlkhat in Khristian lou Guta (thief) khat man un chin, zep a thu adot chiang ua dawng nuam lou; amau le nak semsem a soisa uh; ahuchih ua leh atawp a tua gutapa le… “ ELOI ELOI LAMA SABACH-THANI!!..” chi a kikoukhia zeih… chalak hoih rura.. ha..ha..ha..” (?)
Dmr,Nov.11: Myanmar 8.00pm a Myanmar TV4(MRTV4) in agen ahi.
DIMAPUR A MSRTC GAM
Dmr, Nov 11: Dimapur Town Block-II a om Manipur State Road
------------------------------------------------------------------------------------------------------------
Editor in Chief:Ginzalal Ngaihte Joint Editor :Thangchinkhup Guite.
Circulation manager:Dongpu Tonsing. Contributing Editor:Ginzalam Hangsing.
THE ZOMI WELFARE ASSOCIATION PUBLICATION INC.
*CHIAMTEH DING: Zosarons a Thu leh La kikhah khempeuh ‘ADMIN’ ngaihdan hivek lou a; Thu hi in La hitaleh asuahtu in amah Thu/La suah tawh kisai ah mawh akipuak ding hi.*
No comments:
Post a Comment